Наурыз мерекесі Вашингтонда тойланды
<p style="text-align: justify;">Сан ғасырдан бері келе жатқан Наурыз мерекесі қазіргідей гүлденген заманда әлемдегі алпауыт елдердің астаналарында да тойланып жатқаны сүйсіндіреді.</p>
Қазақстан Республикасының Америка Құрама Штаттарындағы елшілігі Түркия, Өзбекстан, Әзербайжан, Қырғызстан, Түрікменстан елшіліктерімен бірлесе отырып, Вашингтон қаласында Наурыз мерекесіне арналған ортақ іс-шара ұйымдастырды. Аталған іс-шара аясында қала тұрғындарына аталған елдердің ұлттық музыкасы мен би өнері ұсынылды. Вашингтонда қазақтың «Гүлдер» тобы «Аққу», «Мейрам» билерін, сонымен бірге ұлтымыздың шашу, тұсаукесер рәсімдерін де іс-шараға қатысушыларға көрсетті.
Салты мен дәстүрі бір түркі жұртының ортақ мейрамы ретінде тойланған бұл іс-шара алыстағы Америка жұртшылығының түркі халықтары салт-дәстүрін түсінуіне, сол арқылы Орталық Азиядағы туысқан елдердің ынтымағы мен бірлігін сезінуіне түрткі болды.