Түркістанда Алтын орда кезеңінің жәдігері таныстырылды

<p>Түркістанда «Алтын Орда кезеңінің тарихи-мәдени мұрасы» атты көрменің ашылу салтанаты өтті, деп хабарлайды <a href="/" target="_blank" rel="noopener noreferrer">Egemen.kz</a>.</p>

Мәдениет және ақпарат министрлігінің мәліметінше, экспозицияда Алтын Орда кезеңіне жататын кесенелердің өрнектелген кірпіштері, сол дәуір тұлғаларының балауыз мүсіндері, Жошы хан кесенесінің күмбезі, ортағасырлық бірегей монеталар мен көне карталар және басқа да тарихи құндылықтар ұсынылды.

Көрмеге елдегі музей қорларынан алынған құнды жәдігерлер қойылды. Атап айтсақ, «Әзірет Сұлтан» Ұлттық тарихи-мәдени музей-қорығы, «Ұлытау» ұлттық тарихи-мәдени және табиғи музей-қорығы және Қарағанды облыстық тарихи-өлкетану музейі.