Астанадағы жеке тұрғын үйден өрт шықты

<p style="text-align: justify;">Бүгін Астана қаласының Байқоңыр ауданындағы Шардара көшесінде орналасқан жеке тұрғын үй отқа оранды, деп хабарлайды <a href="/" target="_blank" rel="noopener noreferrer">Egemen.kz</a>.</p>

Төтенше жағдай туралы хабар түскен бойда оқиға орнына өрт сөндіру қызметі жедел жетіп, тілсіз жауды ауыздықтауға кіріскен. Алдын ала мәліметтерге сәйкес, өрт ең алдымен шаруашылық құрылыстан басталып, кейін тұрғын үйдің шатырына тараған.

Қазіргі уақытта өрт сөндіру жұмыстары жалғасып жатыр. Құтқарушылардың айтуынша, жақын маңда орналасқан басқа үйлерге қауіп төніп тұрған жоқ.

Өрттің шығу себебі мен келтірілген шығын көлемі анықталып жатыр.