Қазақстан бойынша теледидар мен радио өшіріледі

<p style="text-align: justify;">Қазақстанда 30 сәуірде жоспарлы жөндеу жұмыстарына байланысты телерадио қызметі жұмыс істемейді, деп хабарлайды <a href="/" target="_blank" rel="noopener noreferrer">Egemen.kz</a> ҚР Мәдениет және ақпарат министрлігіне сілтеме жасап.</p>

Министрлік хабарлағандай, телерадио хабарларын үзіліссіз әрі сапалы тарату мақсатында «Қазтелерадио» АҚ тоқсан сайын спутниктік, цифрлық және аналогтық эфирлік желілердің техникалық құралдарында жоспарлы-профилактикалық жұмыстар жүргізіп отырады.

«2025 жылғы 30 сәуірде сағат 03:00-ден 17:00-ге дейін телерадио хабарларын уақытша өшірумен кезекті профилактикалық жұмыстар жүргізілетінін хабарлаймыз. Уақытша қолайсыздықтар үшін кешірім сұраймыз», делінген хабарламада.