Отандық бидай жаңа нарыққа шыға бастады
<p style="text-align: justify;"><span class="s2"><span class="bumpedFont15">Отандық бидай </span></span><span class="s2"><span class="bumpedFont15">Норвегия, Марокко және Ұлыбританияға экспорт</span></span><span class="s2"><span class="bumpedFont15">тала</span></span><span class="s2"><span class="bumpedFont15">ды</span></span><span class="s2"><span class="bumpedFont15">. </span></span><span class="s2"><span class="bumpedFont15">Астықты т</span></span><span class="s2"><span class="bumpedFont15">асымалдау шығындарын</span></span><span class="s2"><span class="bumpedFont15">а </span></span><span class="s2"><span class="bumpedFont15">Үкімет </span></span><span class="s2"><span class="bumpedFont15">5 миллиард </span></span><span class="s2"><span class="bumpedFont15">теңге</span></span><span class="s2"><span class="bumpedFont15"> субсидия </span></span><span class="s2"><span class="bumpedFont15">бөлді, деп хабарлайды <a href="/" target="_blank" rel="noopener noreferrer">Egemen.kz</a>.</span></span></p>
Мәжіліс депутаты, Аграрлық мәселелер комитетінің мүшесі Айдарбек Ходжаназаровтың мәлімдеуінше астық экспортына Үкімет 40 миллиард теңге бөлген.
«Соңғы екі жылда логистика шығындары 30-40 пайызға өсті. Егер бұл шығындар өтелмесе, отандық өндірушілердің сыртқы нарыққа өнім шығарулары қиындай түседі, бәсекелестікке де қауқарсыз болары анық. Бірақ Үкімет дер кезінде қолдау білдіріп, отандық өнім Еуропа одан соң Африка елдеріне тасымалданып отыр», деді А.Ходжаназаров.
Қазіргі кезде отандық жұмсақ бидайдың алғашқы легі Норвегия мен Мароккоға жөнелтілді. Ұлыбритания мен Шотландияға жеткізу бойынша келісімшарттар енді жасалды. Сонымен қатар Біріккен Араб Әмірліктері, Нигерия, Сенегал, Кот-д’Ивуар және Судан елдеріне де экспорт көлемін ұлғайту бойынша келіссөз жүргізіліп жатыр.
«Отандық жұмсақ бидай аталған елдерге 15 жылдан астам уақыт бойы экспортталмаған. Біз жаңа экспорттық бағыттарды игеріп жатырмыз. Бұл тек логистикадағы серпіліс емес, сонымен қатар сыртқы экономикалық стратегиядағы маңызды жетістік», деді депутат.
Жалпы Үкімет бөлген субсидия теміржолмен де, теңіз арқылы да тасымалдау түрлерін қамтиды. Қазіргі таңда 200 мың тоннадан астам өнім - соның ішінде бидай, арпа және басқа да дәнді дақылдар сыртқы нарыққа шығарылды. Тасымалдау шығындарын өтеуге берілген өтінімдердің жалпы сомасы 9 миллиард теңгеден асқан. Негізі субсидияға бөлінген қаражат көктемгі егіс жұмыстарын уақтылы жүргізуге, биылғы өнімді өңдеп, сақтайтын орындарды босатуға және тұтастай алғанда, отандық астықтың халықаралық нарықтағы бәсекеге қабілеттілігін арттыруға мүмкіндік береді.