Ақтөбеде кәсіпкерлерден ақша бопсалаған күдікті ұсталды
<p style="text-align: justify;">Ақтөбе облысы Полиция департаментінің ұйымдасқан қылмысқа қарсы күрес басқармасының қызметкерлері өзін Сыбайлас жемқорлыққа қарсы күрес қызметкері ретінде таныстырып, Ақтөбе қаласының кәсіпкерлерінен ақша бопсалап жүрген ер адамды ұстады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Жедел-іздестіру шаралары барысында күдіктінің жеке кәсіпкерлерге қоңырау шалып, ойдан шығарылған айыптаулар арқылы қылмыстық іс қозғаймын деп қорқытқаны анықталды. Мәселен, ол қаладағы бір ЖШС-тің кадр бөлімінің жетекшісінен 5 млн теңге талап еткен. Ұсталған кезде күдіктінің басқаруындағы көліктен 4 млн теңге қолма-қол ақша табылып, тәркіленді.
Қазір ол қамауға алынып, Қылмыстық Кодекстің «бопсалау» бабымен сотқа дейінгі тергеу басталғандығын хабарлайды облыстық полиция департаментінің баспасөз қызметі. Күдіктінің ақша бопсалау дерегі дәлелденсе, оны 5-10 жылға дейінгі бас бостандығынан айыру жазасы күтіп тұр.
Ақтөбе облысы.