Жеті жыл бойы алимент төлемеген әке жазаланды
<p style="text-align: justify;">Бас прокуратураның хабарлауынша, борышкер әке мүмкіндігі бола тұра алимент төлеуге асықпаған, деп жазады <a href="/" target="_blank" rel="noopener noreferrer">Egemen.kz</a>.</p>
Осылайша Жамбыл облысы тұрғынының балалар алдындағы берешегі 7 жылда 12,6 млн теңгеге жеткен.
2024 жылдың 2 қыркүйегінде Байзақ ауданының прокуратурасы кәмелетке толмаған балаларға алимент төлеуден қасақана жалтарған «Н» есімді азаматқа қатысты ҚК-тің 139-бабымен сотқа дейінгі тергеп-тексеруді бастаған.
Жамбыл облысының кәмелетке толмағандар істері жөніндегі мамандандырылған ауданаралық сотының 2025 жылғы 25 сәуірдегі үкімімен борышкер ҚР ҚК-тің 139-бабымен кінәлі деп танылып, 1 жыл мерзімге бас бостандығын шектеу түріндегі жаза тағайындалды.
Үкім заңды күшіне енген жоқ.