Қазақстандықтардың жеке дерегін сатумен айналысқан топ ұсталды
<p style="text-align: justify;">ІІМ-нің киберқылмысқа қарсы іс-қимыл департаменті Ұлттық қауіпсіздік комитетімен бірлесіп, қазақстандықтардың жеке мәліметтерін интернетте заңсыз сатқан қылмыстық топтың жолын кесті, деп жазады <a href="/" target="_blank" rel="noopener noreferrer">Egemen.kz</a>.</p>
Ақпарат мемлекеттік базалардан заңсыз алынып, Telegram арқылы таратылған, кейбірі коллекторлық компанияларға берілген. 140-тан астам адам, оның ішінде компания иелері мен арна әкімшілері ұсталған. Қазіргі таңда бес күдікті қамауға алынған. Тінту барысында 400-ден астам компьютерлік және басқа да электрондық техника тәркіленген.
«Қылмыстық кодекстің 205-бабы 3-бөлігі (ақпараттық жүйеге заңсыз қол жеткізу), 147-бабы 5-бөлігі (жеке өмірге қол сұғу және жеке деректер туралы заңнаманы бұзу), сондай-ақ 211-бабы 3-бөлігі (шектеулі электрондық ақпараттық ресурстарды заңсыз тарату) бойынша қылмыстық істер қозғалды. Осы заңсыз әрекетке қатысы бар адамдардың толық шеңбері анықталып жатыр», деді ІІМ киберқылмысқа қарсы іс-қимыл департаментінің бастығы.