Жарыс күнделігі

<p style="text-align: justify;">27 шілдеде Жапонияның Сайтама қаласында аралас жекпе-жектен өтетін RIZIN 4 турнирінде Қаршыға Дәуітбек Киома Акимотомен айқасады. 19 жастағы жергілікті жас жұлдыз осыған дейін тоғыз мәрте октагонға шығып, сегіз сайыста басымдық танытты. Кезінде «Алаш Прайдтың» сапында болған Қаршыға 21 бәсекенің 18-інде жеңіске жетті. Бір айта кетерлігі, 31 жастағы қазақ файтері кейінгі алты жылдан аса уақыт аралығында бірде-бір рет жеңілген жоқ, қатарынан 10 жекпе-жекте жеңіс тойын тойлады.</p>

Сауд Арабиясының астанасы – Эр-Риядта 2025 жылдың күз айларында алауы тұтанатын VI Ислам ынтымақтастығы ойындарының делегация басшыларына арналған семинар өтті. Жиын барысында ұйымдастырушылар әлемнің әр қиырынан жиналған 50-ден астам мемлекет спортшыларының басын қосатын дүбірлі додаға дайындық жұмысы қазіргі кезде қалай жүріп жатқаны туралы толық ақпарат берді. Семинар барысында тұрақтау, көлікпен қамтамасыз ету, логистика, аккредитация үдерісі, медициналық және допингке қарсы қолдау мәселелеріне ерекше назар аударылды. Осы жарыстың маңызды жаңалықтарының бірі – ойындар бағдарламасына екі жаңа спорт түрі – бокс пен дуатлон енгізілді.