АҚШ Украинаға қаржылық көмекті қысқартты
<p style="text-align: justify;">АҚШ 2026 жылға Украинаға бағытталған бірқатар қор бойынша шығындарын азайтты. Бұл туралы Пентагон басшысы Пит Хегсет әуе күштері генералы Дэн Кейнмен өткізген баспасөз мәслихатында мәлімдеді, деп жазады <a href="/" target="_blank" rel="noopener noreferrer">Egemen.kz</a>.</p>
«Атап айтқанда, екі қор қысқартылды – Коалицияны қолдау қоры және Украинадағы қауіпсіздікке жәрдемдесу бастамасы», деді Пит Хегсет.
АҚШ-тың бұл шешімі халықаралық қауымдастық, әсіресе Еуропа елдері тарапынан алаңдаушылық тудырып отыр. 25 маусым күні Германияның қорғаныс министрі Борис Писториус Еуроодақ елдері Украинаға көмек көрсетуге қатысты АҚШ-тың қызығушылығын сақтап қалу үшін күш салып жатқанын мәлімдеді.
Писториустың айтуынша, АҚШ-тың Украинаға қолдауы тек әскери көмектің көлемімен шектелмейді, ол сондай-ақ НАТО серіктестеріне берілетін саяси және стратегиялық сигнал рөлін де атқарады.