Назым Қызайбай әлем кубогінің жартылай финалына өтті
<p style="text-align: justify;">Астанада өтіп жатқан әлемдік доданың сағат 14:00-де басталған күндізгі сессиясында қазақтың үш бұрымды боксшысы жарыс жолына шыққан болатын. Олардың екеуі жеңіске жетіп, біреуі есе жіберді, деп жазады <a href="/" target="_blank" rel="noopener noreferrer">Egemen.kz</a>.</p>
48 келі салмақ бойынша өзбек боксшысы Азия ойындарының чемпионы Фарзона Фозиловамен жекпе-жек өткізіп, үш раунд бойы толық басымдық көрсеткен Назым Қызайбай төрешілер шешімімен айқын жеңіске жетті. Енді жартылай финал бойынша жекпе-жек өткізеді.
Тағы бір отандасымыз, атап айтқанда 51 келіге дейінгі салмақтың 1/8 финалында Дженифер Лозаномен (АҚШ) қолғап түйістірген Алуа Балқыбекова тең дәрежеде өтіп жатқан жекпе-жектегі шешуші раундта жеңісті жұлып алды. Сөйтіп, алғашқы кездесуін жеңіспен бастап, келесі айналымға өтті.
Ал 80 келі бойынша жұдырықтасқан Гүлсая Ержан үндістандық Пуджа Раниге есе жіберді.