Сегіз жастағы шебер
<p style="text-align: justify;">Сегіз жастағы Айдын Бекжанұлы ұялы телефондарды толық бұзып, қайта жинай алады. Бұзылғанын жөндеп, талай тұтынушының алғысын алып үлгерген жас шебер Түркістан облысы Келес ауданының орталығы Абай ауылында тұрады.</p>
Өзбекәлі Жәнібеков атындағы мектеп-гимназиясының оқушысы жазғы демалысында осылайша әкесіне қолғабыс етіп жүр. Биыл төртінші сыныпқа баратын Айдын телефондағы техникалық ақауларды өздігінен анықтап, жөндеуді үйреніп алған. Әкесі – Бекжан Өтенов Абай ауылында 4-5 жылдан бері қалта телефонын жөндеумен айналысады. Шағын шеберханасы бар. Әкесінің айтуынша, баласының шеберлігіне кейде өзі де таңғалады екен. Кәсібін үйретіп, шеберлігін шыңдап жүрген Бекжан ұлының ертеңгі күні заманауи технологияны меңгерген инженер болып шығатынынан үмітті. Айдынның зеректігі мен техникаға деген қызығушылығын, қабілетін ерте аңғарған ата-анасы бағыт беріп, дамуына мүмкіндік жасап келе жатқанын айтады.
Түркістан облысы