«Қалқан-2025» – атом энергетикасын енгізуге дайындық
<p style="text-align: justify;">Бүгінгі күні Өскеменде Төтенше жағдайлар министрлігі, Атом энергиясы жөніндегі агенттік, сондай-ақ өзге де мемлекеттік органдар мен Шығыс Қазақстан облысы әкімдігі ұйымдастырған «Қалқан-2025» бірлескен командалық-штабтық оқу-жаттығулары өтіп жатыр. Айдың 11-де басталған шара бүгін аяқталады.</p>
Іс-шара атом электр стансасының құрылысы қарсаңында азаматтық қорғау жүйесін жетілдіру, ведомствоаралық өзара іс-қимылдың тиімділігін арттыру мен қауіпсіздіктің халықаралық стандарттарын енгізу жөніндегі кешенді шаралардың бір бөлігі болды. Оқу-жаттығулар барысында мемлекеттік органдардың, өнеркәсіптік кәсіпорындардың, медициналық ұйымдардың және жергілікті атқарушы органдардың инфрақұрылымның тұрақты жұмысын қамтамасыз етуге бағытталған іс-қимылдарын үйлестіру сценарийлері пысықталды.
«Қалқан-2025» оқу-жаттығулары еліміздің атом энергетикасы саласында озық технологиялар мен басқару әдістерін қолдануға дайын екенін, сондай-ақ елдің тұрақты даму қағидаттары мен аса маңызды нысандарды қауіпсіз пайдалануға бейілділігін көрсетті.