Асу Алмабаев Қатарда өтетін турнирде өнер көрсетеді
<p style="text-align: justify;">Асудың кезекті қарсыласы - америкалық UFC шебері Алекс Перес, деп жазады <a href="/" target="_blank" rel="noopener noreferrer">Egemen.kz</a>.</p>
Асу мен Перес 22 қараша күні Дохада өтетін UFC Fight Night турнирінде кездеседі. Бұл – Катардағы алғашқы UFC турнирі болмақ.
Жақында Перес Алмабаевқа үндеу тастаған еді. 33 жастағы америкалық 2017 жылдан бері UFC-де өнер көрсетіп келеді. Қазіргі көрсеткіші – 7 жеңіс, 5 жеңіліс. 2020 жылдың қарашасында Алекс үш жеңістен кейін чемпиондық белбеу үшін айқасқа шыққанымен, бірінші раундта Дейвесон Фигередодан жеңіліп қалған.
Одан кейінгі екі жекпе-жегінде Перестің қарсыластары чемпиондар - Алешандре Пантожа мен Мұхаммад Мокаев болды. Ол екеуінде де жеңіліс тапты.
Перестің үлкен кемшілігі – UFC-де 13 жекпе-жегі әртүрлі себеппен өтпей қалған. Оның алтауына тікелей өзі кінәлі. Қазіргі таңда UFC рейтингінде америкалық 8-орында, ал Асу – 9-орында.
Естеріңізге сала кетейік, ағымдағы жылдың 26 шілдесінде өткен соңғы жекпе-жегінде Асу перулік Хосе Очоаны (8-2) тізе бүктірген болатын.