Еліміздің басым бөлігінде жаңбыр жауады

<p style="text-align: justify;">Бүгін Қазақстанның солтүстігі, шығысы және орталық аймақтарында жаңбыр жауып, найзағай күтіледі. Кей жерлерде бұршақ түсуі ықтимал. Ал батыста ауа райы жауын-шашынсыз болады, деп хабарлайды <a href="/" target="_blank" rel="noopener noreferrer">Egemen.kz</a>.</p>

Еліміздің көптеген өңірінде жел күшейеді. Оңтүстікте шаңды дауыл болуы мүмкін, солтүстік пен шығыста түнгі және таңертеңгі уақытта тұман түседі.

Астанада күн бұлтты, жаңбыр жауады. Күндіз ауа температурасы+15…+17°C, желдің жылдамдығы 9–14 м/с, екпіні 15–20 м/с. Алматыда күн ала бұлтты, күн жылы. Күндіз +29…+31°C, жел 3–8 м/с. Ал Шымкентте күн ала бұлтты. Күндіз ауа температурасы +29…+31°C, түнде жел 8–13 м/с, күндіз 15–20 м/с дейін жетеді.