Еларалық инвестициялық форумға қатысты
<p style="text-align: justify;">Душанбе қаласында «Жасыл инвестициялар: тұрақты болашақ үшін қазіргі мүмкіндіктер» тақырыбында екінші «Душанбе халықаралық инвестициялық форумы – 2025» өтті. Іс-шара барысында Қазақстан – Тәжікстан ынтымақтастығының қазіргі жағдайы мен даму перспективалары қаралды.</p>
Форумға 30-дан астам елден келген 600-ден астам шетелдік қонақтар, халықаралық ұйымдар мен қаржы институттарының өкілдері қатысты. Іс-шараны Тәжікстан Республикасының Президенті Эмомали Рахмон ашты.
Қазақстан делегациясын бастап барған Премьер-министрдің бірінші орынбасары Роман Скляр пленарлық отырыс кезінде форумның екі ел үкіметі мен компаниялары арасындағы өзара іс-қимылдың маңызды құралына айналғанын атап өтті. Күн тәртібінде екіжақты сауда-экономикалық және инвестициялық ынтымақтастықты одан әрі дамыту, көлік және логистика, энергетика, ауыл шаруашылығы, қаржы және басқа да салалардағы өзара байланыстарды нығайту мәселелері қаралды.
Р.Скляр форумда белгіленген бағыттар қазіргі инвестициялық саясаттың негізіне айналып, Қазақстанда кең қолдау тауып отырғанын атап өтті. Еліміз жасыл трансформация, энергия тиімділігін арттыру және өнеркәсіпті цифрландыру бағытын дәйекті түрде жүзеге асырып келеді.
Тараптар қабылданған шешімдер екіжақты қатынастарды барлық бағыттар бойынша одан әрі нығайтып, тереңдете түсуге ықпал ететініне сенім білдірді.
Келесі Душанбе халықаралық инвестициялық форумын 2027 жылы өткізу жоспарланып отыр.