Минуттық төлем жүйесі енгізілуі мүмкін

<p style="text-align: justify;">Астанада ақылы автотұрақтарда минуттық төлем жүйесі енгізілмек, деп жазады <a href="/" target="_blank" rel="noopener noreferrer">Egemen.kz</a>.</p>

Мәжіліс депутаттарының сауалына жауап берген Астана қаласының әкімі Жеңіс Қасымбек осылай деп отыр. Енді ақылы автотұрақтарда тұру құны минутпен есептелуі мүмкін. Бұл өзгерістер «Астана тұрақ кеңістігі» ЖШС-мен мемлекеттік-жеке әріптестік шарты бұзылғаннан кейін күшіне енеді.

Алдын ала қарастырылып жатқан тарифтер:

Шлагбаумы бар (алаңдық) тұрақтар – сағатына 300 теңге;
Ашық (кедергісіз) тұрақтар – сағатына 100 теңге.

- Жүргізілген талдауға сәйкес, жеке меншік автотұрақтарда сағаттық ақы 300 теңгеден 5 000 теңгеге дейін өзгеріп отырады, деді қала әкімі.