Қазақстандық оқушыларға 7 күн демалыс беріледі
<p style="text-align: justify;">Ел мектептерінде бірінші тоқсан аяқталып келеді. Күзгі каникул 2025 жылғы 27 қазанда басталып, 2 қарашаны қоса алғанда жеті күнге созылады, деп жазады <a href="/" target="_blank" rel="noopener noreferrer">Egemen.kz</a>.</p>
Оқу-ағарту министрлігі оқушылардың демалысын тиімді өткізу үшін «Адал азамат» біртұтас тәрбие бағдарламасы аясында іс-шаралар жоспарын ұсынып отыр.
Жоспар патриотизм, әділеттілік және жауапкершілік сияқты құндылықтарды дамытуға бағытталған іс-шараларды қамтиды:
«Балалар кітапханасы» жобасын іске асыру шеңберінде «Демалыста кітап оқимыз» іс-шарасы;
«Буллингтен қорған!» қауіпсіздік сабағы;
«Мектеп театрының» жұмысын ұйымдастыруға кеңес берілген.
«Ең бастысы, балалардың қауіпсіздігін қамтамасыз ету. Осы мақсатта ата-аналармен бірге жол-көлік жарақаттарының алдын алу іс-шараларына, мектептің ішкі тәртібін сақтау, балалардың көшеде қауіпсіздігі, үйдегі өрт қауіпсіздігі және киберқауіпсіздік шараларына ерекше назар аудару қажет», делінген министрлік хабарламасында.