1500-ден астам оқушы «Атамекен» әнін орындады
<p style="text-align: justify;">Астанада ауқымды флешмоб өтті. Республика күніне орай Мемлекеттік рәміздер алаңында 1500-ден астам оқушы «Атамекен» әнін шырқады, деп жазады <a href="/" target="_blank" rel="noopener noreferrer">Egemen.kz</a>.</p>
Флешмоб өскелең ұрпақтың бойында азаматтық бірегейлікті, тәуелсіз Қазақстанның Мемлекеттік рәміздері мен дәстүрлерін құрметтеуді қалыптастыруды көздейді. Орындау барысында қатысушылар Қазақстанның жас буынының бірлігі, достығы мен ашықтығының символы - ашық алақан бейнесін жасап, бес қатарға тұрды.
Айта кетейік, 25 қазанда Қазақстанда Ұлттық мереке Республика күні атап өтіледі. Айтулы мерекеге орай, Астанада 150-ге жуық мәдени-бұқаралық, білім беру, спорттық және әлеуметтік іс-шаралар жоспарланған.
