Ақтөбе облысындағы жол апатын арнайы топ тергейді
<p style="text-align: justify;">Ақтөбе облысындағы жол-көлік оқиғасы бойынша қылмыстық іс қозғалған. Бұл туралы Ішкі істер министрлігі хабарлап отыр, деп жазады <a href="/" target="_blank" rel="noopener noreferrer">Egemen.kz</a>. </p>
Сондай-ақ ведомствоның баспасөз қызметі тергеу барысын Ішкі істер министрі жеке бақылауына алғанын мәлімдеді.
Оқиғаның мән-жайын анықтау және тергеу жүргізу үшін ІІМ орталық аппаратының арнайы тобы әуе бортымен жөнелтілген.
«Министрдің тапсырмасы бойынша жол апатынан қаза тапқан азаматтардың туыстарына жан-жақты көмек беріледі, соның ішінде мәйіттерді тасымалдау және жерлеу рәсімдерін ұйымдастыруға да қолдау көрсетіледі. Жедел тергеу жүргізу және барлық қажетті шараларды орындау үшін тиісті шаралар қабылданатын болады», деді департамент бастығы - ІІМ ресми өкілі Шыңғыс Алекешев.
Айта кетейік, 23 қазан күні Самара – Шымкент автожолында, Белқопа елді мекенінің маңында DAF жүк көлігі мен жолаушылар мінген «ГАЗель» көлігі соқтығысып, салдарынан 12 адам көз жұмған болатын.