Қазан айында инфляция 12,6%-ға баяулады
<p style="text-align: justify;"><strong>Ұлттық статистика бюросының <a href="https://stat.gov.kz/industries/economy/prices/publications/458339/">мәліметінше</a>, инфляция 2025 жылғы қазан айындағы есеп бойынша 1 жылда – 12,6%-ды, бір айда – 0,5%-ды құраған. Қыркүйекте жылдық көрсеткіш 12,9% құраған еді, деп жазады <a href="/" target="_blank" rel="noopener noreferrer">Egemen.kz</a>.</strong></p>
Бір жылда азық-түлік тауарларының бағасы – 13,5% (2025 жылғы қыркүйекте – 12,7%), ақылы қызметтер – 12,9% (2025 жылғы қыркүйекте – 15,3%), азық-түлік емес тауарлар құны – 11% (2025 жылғы қыркүйекте – 10,8%) өскен.
Сондай-ақ ет және ет өнімдері – 21,1%, сүт өнімдері – 10,6%, жемістер мен көкөністер – 12,1%, тұрғын үй қызметтері, су, электрэнергиясы, газ және отынның басқа да түрлері – 11,3 % көтерілген.
Инфляцияның жылдық деңгейіне ең үлкен үлесті азық-түлік және алкогольсіз сусындар (5,2 пайыздық тармақ), денсаулық сақтау қызметтері (1,6 пайыздық тармақ), тұрғын үй қызметтері (1,3 пайыздық тармақ) қосқан.
Өткен айда ақылы қызметтер құны – 0,8% төмендеген.