Жүзу спорты мектеп бағдарламасына енгізіледі
<p style="text-align: justify;"><strong>Бұл туралы Үкімет отырысында Qazaq Aquatics Федерациясының бас хатшысы Дмитрий Баландин хабарлады, деп жазады <a href="/" target="_blank" rel="noopener noreferrer">Egemen.kz</a>. Бұқаралық спортты дамыту, халықтың су спорт түрлерімен айналысуға үндейтін қанатқақты жоба 2026 жылы Астана, Алматы қалаларында басталады. </strong></p>
Д.Баландин жүзу сабағы мектеп бағдарламасының бір бөлігі болатын жобаны енгізу жұмыстары Оқу-ағарту министрлігімен бірлесе жүргізіліп жатқанын баяндады.
Аталған екі қалада келер жылы қанатқақты режимде іске қосылғаннан кейін жоба бүкіл ел аумағында кезең-кезеңімен енгізіледі деп жоспарланып отыр. Дмитрий Баландинның айтуынша, бастама АҚШ, Австралия, Венгрия сияқты елдердің үлгісі бойынша жүзеге асырылып жатыр. Олар жүзу бойынша әлемдегі ең мықты елдер және көп жылдан бері мектеп қабырғасында балаларды жүзуге оқыту бағдарламасын сәтті енгізіп келеді.
Елімізде 360-тан астам бассейн бар, оның 35-і – олимпиадалық стандарттағы 50 метрлік бассейндер.