Күн бетінде екі қуатты жарылыс болды: Жерде дауыл орнауы мүмкін бе?
<p style="text-align: justify;"><strong>4 қарашаның кеші мен 5 қарашаның түнінде Күн бетінде Х деңгейіндегі екі ірі жарқыл тіркелді. Бұл туралы Ресей ғылым академиясының Қашықтықтан зондтау және Күн–Жер физикасы институттарының мамандары хабарлады, деп жазады <a href="/" target="_blank" rel="noopener noreferrer">Egemen.kz</a>.</strong></p>
Ғалымдардың айтуынша, алғашқы жарқылдың қуаты жоғары болғанымен (X1.9 деңгейі), оның негізгі бөлігі Жерге тура бағытталмаған. Плазма ағыны шамамен 55 градус бұрышпен кетіп, планетамызға тікелей әсер етпейді. Сондықтан геомагниттік дауыл – яғни Жердің магнит өрісінің бұзылуы – 3 балдан жоғары көтерілмейді деп күтіледі.
Екінші жарқыл одан бес сағаттан кейін тіркелген. Ол Күннің арғы бетінде болғандықтан, Жерге мүлде әсер етпейді.
Мамандар мұндай жағдайдың сирек болатынын атап өтті. Әдетте Күнде X деңгейіндегі жарқылдар айына бір рет қана байқалады. Ал бұл жолы екі жарқылдың арасы бар-жоғы бес сағат болған. Сол себепті ғалымдар мұны биылғы ең ерекше әрі Күн белсенділігінің арта бастағанының белгісі деп бағалап отыр.