Мәйіттік донор: Марқұмдардың ағзасы 6 адамға өмір сыйлады
<p><strong>Өткен аптада қайтыс болған екі қазақстандықтың туыстары мәйіттік донорлыққа келісім беріп, Астана мен Алматыда күрделі трансплантациялық ота жасалды, деп жазады <a href="/" target="_blank" rel="noopener noreferrer">Egemen.kz</a>.</strong></p>
Астананың көпбейінді медициналық орталығында 1977 жылғы мәйіттік донордың бауыры – 1976 жылы туған науқасқа, оң және сол бүйрегі – 1987 және 1994 жылы туған ем алушыларға трансплантация жасалған.
Ағза ауыстыру отасын Ұлттық ғылыми онкология орталығының мамандары жасаған.
Ал алматылық дәрігерлер ми өлімі тіркелген 50 жастағы марқұмның жүрегін – 34 жастағы науқасқа, оң бүйрегін – 15 жастағы ем, сол жақ бүйрегін – 30 жастағы әйелге трансплантация жасалған. Соңғы аталған ота А.Н. Сызғанов атындағы Ұлттық ғылыми хирургия орталығында атқарылған.
Сондай-ақ Алматының Орталық қалалық клиникалық ауруханасында ем алушыларға екі мөлдірқабық орнатылған.