Қазақстанда бағдаршам тәртібі өзгереді: нені білу керек?
<div class="extract xl-pr-30 xl-ml-30 xl-mb-20"> <p><strong>Астанада жеті жол қиылысындағы бағдаршамдардың жұмыс тәртібі өзгерді, деп хабарлайды <a href="/" target="_blank" rel="noopener noreferrer">Egemen.kz</a>.</strong></p> </div>
Жаңа режим енгізілген бағдаршамдар:
- Керей, Жәнібек хандары – Әл-Фараби;
- Рысқұлов – Мәңгілік ел;
- Сұлтан Бейбарыс (106-мектеп маңы);
- Құсмұрын – Қайнар (68-мектеп маңы);
- Қараменді би Шақаұлы – Земляничная;
- Тәуелсіздік – Қошқарбаев;
- Тәуелсіздік – Байтұрсынұлы.
Полицияның мәліметінше, енді бұл қиылыстарда қызыл сигнал барлық бағытқа бір мезетте 4 секундқа қосылады. Бұл көлік жүргізушілеріне маневрді қауіпсіз аяқтап, қиылысты босатуға мүмкіндік береді.
Авариялық жағдайларды талдау нәтижесінде бағдаршам жұмысының түзетілуінен кейін жол-көлік оқиғаларының саны азайып, өткізу қабілеті артқаны анықталды.
Мысалы, Қараменді би Шақаұлы мен Земляничная көшелерінің қиылысында өзгерістерге дейін 28 жол апаты тіркелген. Олар негізінен қарсы бағыттағы көліктермен солға бұрылған кезде болған. Алайда жаңа тәртіп енгізілгеннен кейін мұндай апаттар тіркелмеген.
Биыл Астанада 1700-ден астам жол-көлік оқиғасы тіркелген.