Лондоннан жеткен сүйінші хабар
<p style="text-align: left;">Жазушы Қайсар Әлімнің «Міржақып Дулатұлы» ғұмырнамалық кітабы Лондонның «Crab Publising» баспасынан Қостанай облысының әкімі Құмар Ақсақаловтың қолдауымен ағылшын тілінде жарық көрді. Қазақ тілінен аударған – Бақтыгүл Маханбетова.</p>
Алдымен бұл кітап Міржақып Дулатұлының 140 жылдығы аясында облыс әкімінің демеушілігімен Астанадағы «Фолиант» баспасынан 1000 данамен, Қарағандының «Нвпринт» ЖШС баспаханасынан 300 данамен жарық көрген еді. Сондай-ақ Қостанайдың «Издательский дом» ЖШС баспаханасынан сувенирлік-сый үлгісінде былғары тыспен 72х104 1/8 қалып-пен, көлемді етіп 20 данасы шығарылған болатын.
Оқырмандардың ыстық ықыласына бөленген бұл кітаптың Ыстанбұлдағы «Kamus» баспасынан (директоры Айдемир Күлтегін) аудармашы Ашур Өздемирдің тәржімесімен түрік тілінде (демеушісі – Парламент Мәжілісінің депутаты Берік Бей-сенғалиев) жарық көргенін айта кету ләзім.