Маңғыстауда ТЖД-ның техникалық базасы 80 пайызға жаңартылды
<p style="text-align: left;"><strong>Маңғыстау облыстық төтенше жағдайлар департаментінің материалдық-техникалық базасы 80 пайызға жаңартылды, деп жазады <a href="/" target="_blank" rel="noopener noreferrer">Egemen.kz</a>.</strong></p>
Бұл туралы Қоғамдық коммуникация орталығында өткен брифингте өңірлік төтенше жағдайлар департаменті бастығының бірінші орынбасары Мейірбек Караев айтты.
Спикердің айтуынша, төтенше жағдайлар саласының негізгі мақсаты – халықтың өмірі мен денсаулығын, қоршаған ортаны және материалдық құндылықтарды табиғи және техногендік сипаттағы төтенше жағдайлардан алдын алу және оларды жою.
– Жыл басынан бері облысымызда 311 төтенше жағдай орын алды. 92 адам құтқарылып, 58 адам эвакуацияланды. Авариялық-құтқару жұмыстарына 4668-ден астам жедел шығулар жасалды. Жыл бойы, азаматтық қорғаныс саласында өрт және өнеркәсіптік қауіпсіздік қамтамасыз ету бойынша үлкен профилактикалық жұмыс жүргізілді. Атқарылған іс-шаралар адамдардың қаза болуы мен жарақат алуының алдын алуға бағытталды. Департаментімізге жыл ішінде Төтенше жағдайлар министрінің және облыс әкімінің қолдауымен 28 бірлік техника сатып алынды. Материалдық-техникалық базамыз 80 пайызға жаңартылды, – деді Мейірбек Караев.
Маңғыстау облысы