Маңғыстаулық студенттер халықаралық жарыста қола жүлде еншіледі
<p style="text-align: left;"><strong>«2025 China Grand Final» шеңберінде «BRICS Skills Competition» халықаралық чемпионаты Қытайдың Шаоян қаласында өтті. Оған Қазақстан, Қытай, Үндістан, Ресей, Бангладеш, Лаос, Гана, Нигерия, Руанда, Оңтүстік Африка елдерінен 82 команда қатысты, деп жазады <a href="/" target="_blank" rel="noopener noreferrer">Egemen.kz</a>.</strong></p>
BRICS-FS-16 / Internet of Things («Интернет заттар») бағыты бойынша өткен халықаралық финалда Қазақстан намысын қорғаған команда жоғары техникалық дайындық пен үйлесімді командалық жұмыстың нәтижесінде үздіктер қатарына еніп, қола медаль иеленді.
«Бұл жетістік – отандық техникалық және кәсіптік білім беру ұйымдарының халықаралық стандарттарға сай маман даярлап отырғанының айқын дәлелі», дейді Оқу-ағарту министрлігіне қарасты Техникалық және кәсіптік білім беру департаменті директорының орынбасары Ақзира Қасымова.
Жүлдегерлер Н.Бекбосынов атындағы Маңғыстау энергетикалық колледжінің студенттері Сүндет Баянов, Ануар Рамазан, команда жетекшісі – Әділбай Жақсылық.