Шымкентте 4000-нан астам жалған «MacCoffee» тәркіленді

<div class="Y3BBE" data-sfc-cp="" data-hveid="CAEIAxAA" data-processed="true" data-complete="true"><strong>Шымкент қаласында танымал «MacCoffee» 3/1 өнімін антисанитариялық жағдайда қолдан жасап келген жасырын цех анықталды. Әділет органдары мен полиция департаменті бірлесіп жүргізген жедел тексеріс нәтижесінде заңсыз өндіріс тоқтатылды, деп хабарлайды <a href="/" target="_blank" rel="noopener noreferrer">Egemen.kz</a>.</strong></div>

Әділет министрлігінің мәліметінше, «С» есімді азамат тез еритін кофені қарапайым гараждың ішінде дайындаған. Тексеру барысында күмәнді сападағы шикізаттың дайын қаптармен сатып алынғаны белгілі болды. Ол жерде кофені термотігіс арқылы ыдыстарға құю, орау және өзге компанияның тауар белгісін заңсыз жапсыру жұмыстары жүргізіліп келген. Дайын болған контрафактілік өнімдер қаладағы шағын дүкендер мен бөлшек сауда нүктелері арқылы таратылған.

«Тексеру нәтижесінде құқық бұзушыдан «MacCoffee» 3/1 тауар белгісі бар 4000-нан астам орама бірлігі, сондай-ақ өндіріс жабдықтары (термотігіс, таразы, дайын 3/1 кофенің қаптамасы) тәркіленді. Құқық иеленушінің ресми мәлімдемесіне сәйкес, тәркіленген контрафактілік өнім сапа стандарттарына сәйкес келмейтіні және тұтынушылардың денсаулығы мен өміріне тікелей қауіп төндіруі мүмкін екені хабарланды», делінген хабарламада.

Қазіргі уақытта күдіктіге қатысты іс қозғалып, тексеру материалдары түпкілікті шешім шығару үшін сотқа жолданған.