Мысырда бір турист акула шабуылынан қаза тапты

АСТАНА. 23 наурыз. Қызыл теңіздегі Эль-Кусаир демалыс айлағына Германиядан келіп туристке ойламаған жерден акула шабуыл жасап, соның салдарынан ол қазта тапты. Бұл туралы vladtime.ru хабарлады. Оқиғаға куә болғандардың сөзіне қарағанда, теңіз жыртқышы туристің аяғын қатты жаралаған. Ол осы жарақаттан қаза тапқан. Хабарламада көрсетілгендей, Мысырда соңғы 5 жыл ішінде осы іспеттес бірнеше оқиға тіркелген көрінеді. Мәселен, 2010 жылы да дәл осындай жағдай орын алып, бір турист қаза тауып, бірнеше адам ауыр жатақаттаныпты. Жолдыбай Базар. Дерек, сурет: vladtime.ru.