«Челси» Франциядан жаттықтырушы алдыруы мүмкін: Маресканың орнын кім басады?
<p style="text-align: left;"><strong>Лондондық «Челси» Энцо Маресканы қызметінен босатқаннан кейін, клубтың жаңа басшылығы ұзақ мерзімді стратегияға сай келетін маманды іздеуге кірісті. Ең беделді футбол инсайдері Фабрицио Романоның мәліметінше, «ақсүйектердің» шорт-листінде бірінші орында Францияның «Страсбур» клубын жаттықтырып жүрген Лиам Росеньор тұр, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
41 жастағы ағылшын маманы биылғы маусымда Франция чемпионатында (Лига 1) айтарлықтай табысқа жетті. Оның басқаруымен «Страсбур» турнирлік кестенің орта тұсынан жоғары көтеріліп, тартымды әрі шабуылдаушы футбол үлгісін көрсетіп отыр.
Лиам Росеньор тізгініндегі «Страсбур» 62 матчтың 50%-дан астамында (32 жеңіс) басым түскен.
«Росеньор клуб басшылығы тарапынан жоғары бағаланады. Ол тек үміткер емес, бүгінгі таңдағы негізгі таңдау болып отыр», деп жазды Фабрицио Романо.