Ақтауда есінен адасқан 63 жастағы ер адам жоғалып кетті
<p data-start="193" data-end="397"><strong>Ақтауда Мәлік Мөрліханұлы есімді 63 жастағы тұрғын іздестіріліп жатыр. Ер адам үйінен шығып кетіп, содан бері туыстарымен байланысқа шықпаған, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
Lider.kz еріктілер қозғалысының мәліметінше, Мәлік Сүйінбаев 17 қаңтар күні шамамен сағат 10:00-де Ақтаудың 9-шағынауданындағы №2 үйден шығып кеткен және содан кейін хабар-ошарсыз қалған.
Із-түзсіз жоғалған ер адамның бойы шамамен 180 см, дене бітімі – орташа, шашы – қара, аралас ақ шашы бар.
Киім үлгісі: жоғалған сәтте үстінде қара күртеше, ал төменгі жағында қою түсті джинсы шалбар болған.
Атырау облысында жоғалып кеткен отбасы: марқұм әйелдің соңғы аудиожазбасына қатысты жаңа дерек шықты
Еріктілердің хабарлауынша, ер адам есте сақтау қабілетінің бұзылуына байланысты бағыт-бағдарын жоғалтып, дезориентация жағдайында болуы мүмкін.
Тұрғыннан қандай да бір ақпарат білетін азаматтар +7 (700) 499-72-92 нөміріне немесе 102 арнасына хабарласуы сұралады.
Із-түзсіз жоғалып кеткен атыраулық ерлі-зайыпты жер қойнына тапсырылды