Бір жыл ішінде 123 елді мекен табиғи газбен қамтылды
<p><strong>«Самұрық-Қазына» АҚ баспасөз қызметінің мәліметінше, бір жыл ішінде 123 елді мекенге газ тартылып, 76 мың абонент табиғи газға қосылған, деп жазады <a href="/" target="_blank" rel="noopener noreferrer">Egemen.kz</a>.</strong><br /><br /></p>
Бұл бағыттағы жұмыстарды «QazaqGaz» ұйымы өзінің еншілес компаниясы «QazaqGaz Aimaq» қатысуымен жүзеге асырған.
2025 жылдың басында газдандыру деңгейі – 62,4% болса, жыл қорытындысы бойынша көрсеткіш – 64,2%-ға дейін өскен. Нәтижесінде 12,9 миллион тұрғын газбен қамтылып отыр.
Компания мәліметінше, ішкі газ тұтыну көлемі де өсіп келеді. Жыл қорытындысы бойынша ішкі нарыққа газ жеткізу көлемі 20,4 млрд м³-ке жетті.
Айта кетейік, Астанада тағы бір газ жылу станциясының құрылысы басталды.
Шымкенттегі екі тұрғын үй алабы да газға қосылғанын хабарлағанбыз.