Заңгер Айман Умарова жаңа Конституцияның преамбуласын жоғары бағалады
<p><span class="s5"><span class="bumpedFont15">Жаңа Конституцияның преамбуласында Ұлы Даланың мыңжылдық тарихының сабақтастығы көрініс тапқан. Бұл жөнінде белгілі заңгер, </span></span><span class="s5"><span class="bumpedFont15">Конституциялық комиссияның мүшесі Айман </span></span><span class="s5"><span class="bumpedFont15">У</span></span><span class="s5"><span class="bumpedFont15">марова Instagram-да жаңа Ата заңымызды талқылауға арналған тікелей эфирде мәлімдеді, деп хабарлайды <a href="/" target="_blank" rel="noopener noreferrer">Egemen.kz</a>. </span></span></p>
«Ұлы Даланың мыңжылдық тарихының сабақтастығын сақтай отырып» деген тұжырым – өте салмақты норма. Менің ойымша, преамбула сәтті және саяси тұрғыдан аса мағыналы шыққан», деп атап өтті Айман Умарова.
Оның айтуынша, Преамбуланың жаңа редакциясының басты күші – қазақ мемлекеттілігінің тарихи сабақтастығына басымдық берілуінде.
«Бұл норманың мәні – біз мемлекеттілігіміздің мыңжылдық тарихпен тығыз байланысты екенін ашық түрде айтып отырмыз. Бұл – Қазақ хандығы мен қазақ мемлекеттілігі ХХ ғасыр оқиғаларынан әлдеқайда бұрын қалыптасқанын еске салу», деп толықтырды Конституциялық комиссияның мүшесі.
Жаңа Конституцияның жобасы преамбуладан, 11 бөлімнен және 104 баптан тұрады. Өзгерістер мен толықтырулар Ата заңның барлық бөлімдерін қамтыды. Түзетулер 77 бапқа енгізілді, бұл Конституцияның жалпы мәтінінің 84 %-ын құрайды.
Айта кетейік, жаңа Ата заңның мәтінімен Қазақстан Республикасы Конституциялық сотының сайтында танысуға болады.