Астана – Гуанчжоу бағытында жаңа рейс ашылады
<p>Көлік министрлігі ұшу географиясын кеңейту және қолданыстағы бағыттар бойынша рейстер санын арттыру бағытындағы жұмыстарды жалғастырып келеді, деп хабарлайды <a href="/" target="_blank" rel="noopener noreferrer">Egemen.kz</a> министрліктің баспасөз қызметіне сілтеме жасап. </p>
Осыған орай, 2026 жылғы 2 маусымнан бастап қазақстандық Air Astana әуе компаниясы Қытайға жаңа әуе бағытын – Астана – Гуанчжоу маршрутын іске қосуды жоспарлап отыр. Рейстер аптасына екі рет Airbus A321LR әуе кемелерімен орындалады.
«Жаңа әуе қатынасының ашылуы Қазақстан мен Қытай арасындағы сауда-экономикалық, іскерлік және туристік байланыстарды нығайтуға мүмкіндік береді деп күтіліп жатыр», делінген хабарламада.
Айта кетейік, бұған дейін Өскемен және Үрімші қалалары арасында әуе рейсі ашылуы мүмкін екендігін хабарлаған едік.