Алматыда жер сілкінісінен кейін арнайы учаскелер тексерілді
<p><strong>Бүгін сағат шамамен 15:11-де Алматы қаласы мен Алматы, Жетісу облыстарында жер сілкінісі тіркелді. ТЖМ «Сейсмологиялык зерттеу институты» ЖШС мәліметінше, аталған аймақтарда жер сілкінісі 2-4 балл аралығында сезілген, деп жазады <a href="/" target="_blank" rel="noopener noreferrer">Egemen.kz</a>.</strong></p>
Жер сілкінісінен кейін ТЖМ «Қазселденқорғау» ММ мамандары өзен арналарын, гидротехникалық құрылыстарды, көшкін және сел қауіпі бар учаскелерге мониторинг жүргізген. Сондай-ақ, тіршілікті қамтамасыз ету нысандарын аралап, тексеру жұмыстары жүргізілген.
ТЖМ мәліметінше, тексеру нәтижелері бойынша нысандарға зақым келмеген. Сондай-ақ аталған объектілер штаттық режимде жұмыс істеп тұр.
Басқа да ғимараттар әкімшіліктерінен нысандардың қирауы мен зардап шеккендер туралы мәлімет түспеген.
Бұған дейін 5 ақпан күні Жетісу облысында жер сілкінісі тіркелген еді.