Экономика
2 мин оқу 60
Иран төңірегіндегі жағдай: Мұнай неге қымбаттады?
<p data-start="28" data-end="277"><strong>АҚШ пен Израильдің Иранға қарсы әскери әрекеттері туралы хабар тараған соң, әлемдік мұнай бағасы бірден қымбаттады. Соңғы сегіз айда алғаш рет мұнайдың бағасы бір барреліне 80 доллардан асты. Бұған себеп – мұнай жеткізілмей қалуы мүмкін деген қауіп. Ең үлкен алаңдаушылық Парсы шығанағындағы Ормұз бұғазына қатысты. Бұл – әлемге тасымалданатын мұнайдың қомақты бөлігі өтетін маңызды жол. Егер осы бұғаз жабылса немесе қозғалыс қиындаса, мұнай азайып, баға одан әрі өсуі мүмкін деген қауіп бар, деп жазады <a href="/" target="_blank" rel="noopener noreferrer">Egemen.kz</a>.</strong></p>
Нәтижесінде Лондондағы ICE Futures алаңында Brent маркалы мұнайдың мамыр айына арналған фьючерстері түнгі саудада 13,04%-ға дейін қымбаттап, барреліне 82,37 долларға жетті. Бұл – мұнай бағасы 2025 жылғы 16 қаңтардан бері алғаш рет 82 доллардан жоғары көтерілген сәт.
Алайда эмоциялық серпін ұзаққа созылған жоқ. Сағат 02:39-ға қарай өсім баяулап, баға 8,93%-дық өсіммен 79,38 доллар деңгейіне түсті. Демалыс күндері ICE биржасында сауда жүрмейтіндіктен, Иран төңірегіндегі оқиғалардың әсері нарықта тек осы дүйсенбі күні толық көрінді. Сарапшылар мұндай реакцияны қалыпты деп санайды.
Бөлісу: