17%-ға жуық өсім: Қазынаға 6,4 триллион теңге түсті

<p><strong>Үкіметтің баспасөз қызметі 2026 жылғы I тоқсанның қорытындысы бойынша мемлекеттік бюджет кірістері 104,4%-ға орындалғанын хабарлады, деп жазады <a href="/" target="_blank" rel="noopener noreferrer">Egemen.kz</a>.</strong></p>

Қазынаға жоспарланған 6,2 трлн орнына 6,4 трлн теңге түскен, осылайша жоспар 268,7 млрд теңгеге асыра орындалған. Ал 2025 жылмен салыстырғанда өсім 930,6 млрд теңгені (+16,9%) құраған.

Бюджет-салық саясатының жаңа бағдары

Үкімет республикалық және жергілікті бюджеттердің жоспарлы көрсеткіштерін асыра орындағанын мәлімдеді. Өсім Қазақстанның экспорттық тауарлары бағасы, тауарлар мен көрсетілетін қызметтерді өткізу көлемінің артуы, сондай-ақ салықтық және кедендік әкімшілендіру нәтижелері есебінен қамтамасыз етілген.