Қоршаған ортаны таза ұстау – ортақ міндет
<p style="text-align: left;">Ұлытау облысында «Таза Қазақстан» экологиялық акциясы аясында сенбілік ұйым­дастырылды. Оның барысында Жезқазған, Сәтбаев қала­ларында жалпы аумағы 22 га жер қоқыстан тазартылып, абаттандырылды.</p>
Тазалық шарасына өңірдің барлық қала-ауданынан 380 ұжым қатысып, 5 мыңға жуық ерікті, мекеме қызметкері мен жастар белсенділік танытты. Сенбілік жұмысына 107 арнайы техника жұмылдырылды. 1152 тонна қатты тұрмыстық қалдық шығарылып, 140 га аумақ тазартылды. Қалдықтарды сұрыптап жинауға арналған 400-ге жуық экобокс орнатылды.
Экологиялық мәдениетті қалыптастыру, қоршаған ортаны таза ұстау, табиғатты аялау – әрбір азаматтың міндеті. Өңірдің экологиялық жағдайын жақсартуға тұрғындардың ғана емес, көпшілік жастардың, оқушылардың да атсалысуы қоршаған ортаға деген жанашырлық пен жауапкершіліктің артып келе жатқанын аңғартады. Сенбіліктер тазалық, абаттандыру айлығы кезінде апта сайын ұйымдастырылады.
Ұлытау облысы