Астанада «Нұрлы жол» маңында түнгі уақытта жол қозғалысы шектеледі
<p>Астана қаласы әкімдігінің мәліметінше, жол жөндеу жұмыстарына байланысты «Нұрлы жол» вокзалы маңында көлік қозғалысына уақытша шектеу енгізіледі. Шектеулер түнгі уақытта күшінде болады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Орташа жөндеу жұмыстары аясында Сафуан Шаймерденов көшесінің Жұмекен Нәжімеденов және Ахмет Байтұрсынов көшелерімен қиылысатын учаскелері жабылады.
Атап айтқанда:
– 5 мамыр сағат 19:00-ден 6 мамыр сағат 08:00-ге дейін Шаймерденов пен Нәжімеденов көшелерінің қиылысы;
– 6 мамыр сағат 19:00-ден 7 мамыр сағат 08:00-ге дейін Шаймерденов пен Байтұрсынов көшелерінің қиылысы жабық болады.
Елордада жөндеу жұмыстарына байланысты жол жабылады
Қала билігі жүргізушілерге жол бағытын алдын ала жоспарлап, енгізілген шектеулерді ескеруді сұрайды.