Ұлттық құрама шабуылшысы РПЛ турында үздік атанды
<p><strong>Ұлттық құрама көшбасшыларының бірі Максим Самородов Ресей Премьер-лигасының 30-туры аясында өткен «Сочи» және «Ахмат» матчында ең үздік ойыншы атанды, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
Қазақстан ұлттық құрамасының шабуылшысы негізгі құрамда алаңға шығып, тек 90+1 минутта алмастырылды.
Осылайша 2025/26 маусым қорытындысы бойынша «Ахмат» клубы 37 ұпай жинап, Ресей чемпионатын 9-орында аяқтап отыр.
Еске сала кетсек, Максим Самородов 2024 жылдың тамыз айында «Ақтөбе» клубынан «Ахмат» командасына ауысып, содан бері команда көшбасшыларының біріне айналды. Отандасымыз маусым барысында 34 матч өткізіп, 5 гол соғып, 5 нәтижелі пас берді.
Айта кетейік, грозныйлық клуб сапында тағы бір Қазақстанның ойыншысы – Ғалымжан Кенжебек өнер көрсетеді. Ол бұған дейінгі «Динамо Махачкала» матчында (1:1) клуб сапындағы алғашқы голын соққан болатын.
Ал жақында ұлттық құраманың тағы бір ойыншысы Стас Покатилов Әзербайжан кубогінің иегері атанғанын жазған едік.