Қазақстанда облыстар мен ауылдарды құрудың жаңа тәртібі бекітілді
<p><strong>Парламент екінші оқылымда «Қазақстан Республикасының әкімшілік-аумақтық құрылысы туралы» Конституциялық заңды қабылдады, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
Құжатта Қазақстан аумағындағы әкімшілік-аумақтық бірліктердің – облыстар, аудандар, қалалар, ауылдар және өзге де елді мекендердің мәртебесі айқындалған. Сонымен қатар оларды құру, қайта ұйымдастыру және тарату тәртібі реттеліп, тиісті мемлекеттік органдардың өкілеттіктері белгіленген.
Заңда әкімшілік-аумақтық өзгерістерді қараудың нақты құқықтық критерийлері енгізіліп, шешімдер әлеуметтік-экономикалық даму көрсеткіштеріне негізделе отырып қабылданатыны көзделеді.
Бұдан бөлек, цифрландыру талаптарына сәйкес әкімшілік-аумақтық бірліктерді және олардың шекараларын «Мекенжай тіркелімі» жүйесінде есепке алу және тіркеу тәртібі бекітіледі.
Сондай-ақ елді мекендердің шекараларын белгілеу мен өзгерту бас жоспарлар мен даму схемалары негізінде жүзеге асырылып, қала құрылысы мен аумақтық жоспарлау арасындағы байланыс күшейтіледі.
Сондай-ақ, Парламент Палаталарының бірлескен отырысында Президент пен Құрылтай өкілеттіліктері туралы Конституциялық заңдар қабылданып, елорда мәртебесі заңмен бекітілді.