Түркияда жолаушылар автобусы өртеніп, 8 адам қаза тапты
<p><strong>Түркияда Измир-Анталья бағытымен келе жатқан жолаушылар автобусы Денизли-Айдын жолында Тырказ ауданында апатқа ұшыраған. Автобус жол қоршауына соғылып, кейін өртеніп кеткен, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
Оқиға орнына жедел жәрдем қызметі, құтқарушылар, өрт сөндірушілер, полиция және жандармерия қызметкерлері дереу жеткен.
Автобус өртінен 8 адам мерт болған. Арасында жүргізуші және 1 сәби бар. Тағы 33 адам түрлі деңгейде жарақат алған. Олар медициналық мекемелерге жеткізілді.
Атырау облысында 2 көлік өртенді: 60 жастағы жолаушы қаза тапты
Салонда 38 жолаушы мен көлік компаниясының 3 қызметкері болғаны анықталған.
Қаза тапқандардың денелері сот-медициналық сараптамаға жіберілді.
Бұған дейін Таразда көлік өртенгені туралы хабарлағанбыз.