Найзағай мен қатты жел: Бүгін ауа райы қандай болады?

<p>«Қазгидромет» мамандарының болжамынша, 4 маусым күні еліміздің көптеген өңірлерінде жаңбыр жауып, найзағай ойнайды. Кей жерлерде бұршақ түсіп, екпінді жел соғуы мүмкін, деп хабарлайды <a href="/" target="_blank" rel="noopener noreferrer">Egemen.kz</a>.</p>

Елдің оңтүстік және шығыс аймақтарында ауа райы ыстық болады. Күндіз ауа температурасы +30...+33 градусқа дейін көтеріледі.

Астана, Қарағанды, Қостанай, Көкшетау, Петропавл, Тараз және басқа да қалаларда жаңбыр мен найзағай күтіледі. Ал Алматы, Шымкент, Түркістан, Семей, Павлодар және Өскемен қалаларында жауын-шашынсыз, жылы ауа райы сақталады.

Синоптиктер тұрғындарға ауа райының қолайсыз құбылыстарына байланысты сақ болуға кеңес береді.