Жаңбыр, найзағай және бұршақ: Алдағы үш күнде ауа райы қандай болады?
<p><strong>9-11 маусым аралығында Қазақстанның басым бөлігінде ауа райы құбылмалы болады. Бұл туралы «Қазгидромет» мәлімдеді, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
Синоптиктердің болжамынша, батыс циклонның салдарынан елімізде жаңбыр жауып, найзағай ойнайды. Кей өңірлерде жел күшейіп, дауыл тұрып, бұршақ жаууы мүмкін.
9-11 маусым күндері елдің солтүстік-батысы мен солтүстігінде, ал 11 маусымда оңтүстік-шығысында қатты жауын-шашын күтіледі.
Ауа температурасы өңірлер бойынша әртүрлі болады. Батыста күндіз +27...+35 градусқа дейін жылынса, солтүстікте +17...+28 градусқа дейін төмендеп, аптап ыстықтың беті қайтады.
Солтүстік-шығыс пен орталық өңірлерде ауа температурасы +25...+33 градус шамасында сақталады. Ал оңтүстік пен оңтүстік-шығыста +27...+35 градусқа дейін жылынады. Шығыста аптап ыстық сақталып, сынап бағаны +32...+39 градусқа дейін көтеріледі.
Еске сала кетейік, бұған дейін Атырауда үш күн бойы толассыз жауған жаңбыр салдарынан көшелерді су басқан еді.