Александр Бублик Германиядағы турнирде қанша табыс тапты?

<p><strong>Қазақстанның үздік теннисшісі Александр Бублик Германияның Штутгарт қаласында өтіп жатқан ATP 250 турнирінен шығып қалды, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>

Александр Бублик жартылай финалда ATP рейтингінің 9-орнында тұрған америкалық Тейлор Фрицке екі сетте – 4:6, 4:6 есебімен есе жіберіп, турнир финалына шыға алмады.

Жартылай финалға дейін жеткені үшін қазақстандық теннисші 100 ATP рейтингілік ұпайы мен 40 070 еуро көлемінде жүлдеақы иеленді.

Елена Рыбакина Лондон турнирінен кейін Instagram парақшасын өшірді

Турнир барысында Александр Бублик екі жеңіске қол жеткізді. Екінші айналымда ол германиялық Ян-Леннард Штруффті жеңсе, ширек финалда франциялық Джованни Мпетши Перрикартен басым түсті.

BOSS OPEN турнирі 8-15 маусым аралығында Германияның Штутгарт қаласында өтті. Жарыстың жалпы жүлде қоры 768 220 еуроны құрады.

Александр Бублик Мюнхендегі турнирдің алғашқы айналымында ұтылып қалды

Турнир жеңімпазы 250 ATP рейтингілік ұпайы мен 116 855 еуро көлеміндегі жүлдеақыға ие болады.

Бұған дейін Александр Бублик Францияның ашық чемпионатындағы бірінші айналымда неміс теннисшісі Ян-Леннард Штруффтан ұтылып қалды.