КЕЛЕЛІ МӘСЕЛЕЛЕР ТАЛҚЫЛАНДЫ

Кеше Премьер-Министр Кәрім Мәсімов ГФР-дің Шығыс экономика комитеті және Еуразиялық даму банкі өкілдерімен бірқатар кездесулер өткізді, деп хабарлады Үкімет басшысының баспасөз қызметі. Германия экономикасы Шығыс комитетінің төрағасы Клаус Мангольдпен болған кездесуде тараптар Қазақстан – Германия сауда-экономикалық ынтымақтастығының кең ауқымдағы мәселелерін талқылады. Екі ел арасындағы сауда-экономикалық ынтымақтас­тық байланысын алдағы уақытта одан әрі белсенді дамыту жағдайы тілге тиек етілді. Еуразиялық даму банкі басқармасының төрағасы Игорь Финогеновпен болған екі жақты кездесу барысында Қазақстанның үдемелі индустриялық-инновациялық даму бағдарламасы шеңберіндегі инвестициялық жобаларды жүзеге асыру мәселелері қаралды.