Әл-Фарабидегі жол апаты: Прокурор күдіктіні 10 жылға соттауды сұрады

<p data-start="129" data-end="333"><strong>Алматы сотында прокурор Әл-Фараби даңғылындағы адам өліміне әкелген жол-көлік оқиғасы бойынша айыпталушы Александр Пакты кінәлі деп танып, оған 10 жыл бас бостандығынан айыру жазасын тағайындауды сұрады, деп жазады <a href="/" target="_blank" rel="noopener noreferrer">Egemen.kz</a>.</strong></p>

Мемлекеттік айыптаушының пікірінше, жүргізуші жазасын қылмыстық-атқару жүйесінің ең төменгі қауіпсіздік мекемесінде өтеуі тиіс.

Александр Пакқа Қылмыстық кодекстің 345-1-бабының 4-бөлігі бойынша айып тағылған. Бұл бап мас күйінде көлік жүргізіп, жол қозғалысы ережелерін бұзу салдарынан абайсызда екі немесе одан да көп адамның өліміне әкеп соқтырған жағдайларға қатысты қолданылады. Айыпталушы жол-көлік оқиғасына кінәсін толық мойындайтынын және жазадан жалтаруға тырыспайтынын мәлімдеді.

Әл-Фараби даңғылындағы апат: Айыпталушы көлікте ақау болғанын айтты

Қайғылы оқиға 21 наурызға қараған түні Әл-Фараби даңғылында болған. Апат салдарынан үш адам – Mercedes көлігінің жүргізушісі мен екі жолаушы әйел қаза тапты. Тергеу мәліметтері бойынша Пак басқарған Zeekr көлігі қарсы бағыттағы жолаққа шығып кетіп, Mercedes көлігімен соқтығысқан.

Әл-Фарабидегі жол апаты: Полицей адвокатсыз жауап беруден бас тартты

Айта кетейік, бұған дейін сот қаза тапқан Томирис Қыдырбектің әкесі Нұрлан Шатеновті жәбірленуші деп таныған болатын.