Алматыда 12 автобустың бағыты уақытша өзгертілді
<p class="PDq2pG_selectionAnchorContainer" data-start="103" data-end="306">Алматыда Рысқұлбеков көшесінде жол жөндеу жұмыстарының жүргізілуіне байланысты 24 маусымнан бастап 12 автобус бағытының қозғалыс сызбасы уақытша өзгертілді. Жұмыстардың қашан аяқталатыны әзірге белгісіз. Өзгерістер №3, №15, №32, №34, №59, №63, №63А, №67, №103, №119, №135 және №205 бағыттарына қатысты, деп хабарлайды <a href="/" target="_blank" rel="noopener noreferrer">Egemen.kz</a>.</p>
Көптеген автобустар жөндеу аумағын айналып өту үшін Мұстафин, Торайғыров, Науаи, Жандосов көшелері мен Алтынсарин даңғылы арқылы қатынайды.
Атап айтқанда:
- №3, №15, №34, №103 және №135 автобустары солтүстік бағытта Мұстафин – Торайғыров – Науаи – Жандосов көшелері арқылы жүріп, Алтынсарин даңғылына шығады;
- №32, №59, №119 және №205 бағыттары Науаи мен Жандосов көшелері арқылы уақытша айналма жолмен қатынайды;
- №63 бағыты Торайғыров – Науаи – Жандосов – Алтынсарин көшелері арқылы жүреді;
- №63А автобусы оңтүстік бағытта Жандосов пен Науаи көшелері арқылы қатынайды;
- №67 бағыты екі бағытта да Науаи, Жандосов көшелері және Алтынсарин даңғылы арқылы өтеді.
Қала тұрғындарына жолға шығар алдында бағыттардың жаңартылған қозғалыс кестесін алдын ала тексеру ұсынылады.
Алматыда автобус 2 жеңіл көлікпен соқтығысты: Жүргізуші қаза тапты