Венесуэлада жер сілкінісінен қаза тапқандар саны 164 адамға жетті
<p class="PDq2pG_selectionAnchorContainer" data-start="24" data-end="165"><strong>Венесуэланың солтүстігінде болған жер сілкінісі салдарынан қаза тапқандар саны 164 адамға жетті, ал жараланғандардың қатары 970-тен асты, деп хабарлайды <a href="/" target="_blank" rel="noopener noreferrer">Egemen.kz</a>. </strong></p>
Бұл туралы республика президентінің өкілі Делси Родригес мәлімдеді.
Оның айтуынша, табиғи апат салдарынан қаза тапқандар саны әлі де артуы мүмкін.
«Елде ондаған ғимарат қирап қалған», деді Делси Родригес.
Сондай-ақ ол адамдардың өмірін сақтап қалуға бағытталған өте күрделі құтқару жұмыстары жүргізіліп жатқанын атап өтті.
Еске салсақ, бейсенбіге қараған түні Венесуэланың солтүстігінде магнитудасы 7,1 болатын жер сілкінісі болды. Кейінірек АҚШ-тың Геологиялық қызметі (USGS) араға 40 секунд салып, магнитудасы 7,2 және 7,5 болатын екі жерасты дүмпуін тіркегенін хабарлады. Ел билігі төтенше жағдай режимін жариялады.